Qazaqstanda iri aýyldar jańa mártebe alýy múmkin, dep habarlaıdy Egemen.kz.
19 naýryzda ótken Úkimet otyrysynda Ulttyq ekonomıka mınıstri Nurlan Baıbazarov aýyldardyń qalaǵa aınalýy múmkin krıterıılerdi atady. Qazir elimizde 10 myńnan astam turǵyny bar 112 aýyl bar. Onyń ishinde 18 eldi mekende 30 myńnan astam adam turady.
«Zańnamada olardyń mártebesin ózgertý tetikteri qarastyrylǵan. Máselen, úsh jyldyń ishinde halyq sany 10 myńnan asatyn bolsa, onda oblystyq máslıhat bul aýyldardyń mártebesin ózgertýge, ıaǵnı qala mártebesin berýge quqyly», dedi sheneýnik.
Onyń aıtýynsha, bul zań 2021 jyly kúshine engen. Qazir oblys ákimdikteri bul aýyldardyń mártebesin ózgertýge qatysty máslıhattardan túsken ótinishterdi qarap jatyr. Biraq áli naqty sheshim qabyldanǵan joq.
Qazaqstanda barlyǵy 7,6 mıllıon adam turatyn 6256 aýyldyq eldi meken bar. Sońǵy 10 jylda 50-den az turǵyny bar 582 aýyl joıyldy.