Aqtaý turǵyndary 22 naýryz kúni qoǵamdyq kólikte tegin júredi, dep habarlaıdy Egemen.kz.
Qala ákimdiginiń baspasóz qyzmeti munyń tek qalalyq baǵyttarǵa ǵana qatysty ekenin túsindirdi, ıaǵnı №1, 2, 3, 4, 4M, 5, 6, 7, 8, 9 baǵyttaǵy avtobýstar. Qoǵamdyq kólikter bul kúni ádettegi keste boıynsha tańǵy 6:40-tan 21:00-ge deıin qatynaıdy.
Aıta keteıik, bıyl Naýryz meıramynda el azamattary bes kún demalady – 21, 22, 23, 24 jáne 25 naýryz. Ulystyń uly kúni naýryzdyń 21-i men 23-i aralyǵynda toılanady. 23 naýryz senbige sáıkes kelgendikten, dúısenbi, ıaǵnı 25 naýryz demalys kúni bolyp sanalady.