Ulttyq Olımpıada komıtetiniń prezıdenti Gennadıı Golovkın fýtboldan Qazaqstan quramasyn qoldaý úshin Afınyǵa (Grekııa) ushyp bardy, dep habarlaıdy Egemen.kz.
UOK basshysy Grekııa astanasyna Qazaqstan fýtbol federasııasynyń shaqyrtýymen kelgen. Gennadıı Golovkın Ulttar lıgasynyń jartylaı fınaly aıasynda ótetin Grekııa-Qazaqstan matchyn tamashalaıdy.
Ol qurama úshin mańyzdy matchta fýtbolshylarǵa trıbýnadan qoldaý kórsetpek.
Eske salaıyq, fýtboldan Qazaqstan quramasy 2024 jylǵy Eýropa chempıonatyna irikteý kezeńin jalǵastyrý ústinde.
Qazaqstan Grekııa quramasyn jeńse pleı-off fınalda oınaýǵa múmkindik alady. Eýroǵa joldamany jeńimpaz komanda ıelenedi. Grekııaǵa qarsy match búgin Astana ýaqytymen 00:45-te bastalady.