IBF jáne WBO tujyrymdary boıynsha orta salmaqtaǵy álem chempıony, qazaq sportshysy Jánibek Álimhanuly (15-0, 10 KO) kezekti málimdemesin jasady, dep habarlaıdy Egemen.kz.
Vesti.kz saıtynyń jazýynsha, Álimhanuly óziniń áleýmettik jelidegi paraqshasynda ótken jyldyń sońynda amerıkalyq Demetrıýs Andradeni (32-1, 19 KO) jeńgen WBC tujyrymy boıynsha orta salmaqtaǵy ýaqytsha chempıon Devıd Beneavıdeske (28-0, 24 KO) úndeý tastady.
- Benavıdes, eger sen myqtylarmen judyryqtasqyń kelse, tóbeleseıik! Bizdiń jekpe-jek joǵary deńgeıde ótedi! Muny sen de, jankúıerler de biledi! Eger sen salmaq túsire almasań, men 168 fýntta judyryqtasýǵa daıynmyn. Jeńil jumys! - dedi Qazaq Style.
Sonymen qatar kóptegen boks jankúıeri Benavıdestiń meksıkalyq Saýl Kanelo Alvarespen jekpe-jegin kórýdi armandaıdy. Biraq meksıkalyq boksshy bul jekpe-jekten barlyq jaǵynan aýlaq júredi. Osyǵan baılanysty Jánibektiń málimdemesiniń astyndaǵy astarly oıdy qoldap, «Kanelony» masqaralaǵandar kóp boldy.