Kezdesýde Qasym-Jomart Toqaev Qazaqstannyń Kıpr Respýblıkasymen seriktestik qarym-qatynasty damytýǵa nıetti ekenin rastady. Memleket basshysy dıplomatııalyq qatynas ornaǵan 32 jyldyń ishinde elderimiz arasynda berik saıası dıalog pen ınvestııalyq yntymaqtastyq qalyptasqanyna nazar aýdardy, dep jazady Egemen.kz.
Prezıdent Kıpr úkimetiniń Astana qalasynda elshilik ashý týraly sheshimin quptady. Onyń aıtýynsha, bul qadam dıplomatııalyq baılanystardyń jańa kezeńine jol ashyp, ózara seriktestiktiń damýyna serpin beredi.
О́z kezeginde Konstantınos Kombos qonaqjaılyq tanytqany úshin rızashylyǵyn bildirip, Kıpr men Qazaqstan arasyndaǵy yntymaqtastyqty nyǵaıtýǵa zor múmkindik bar ekenin atap ótti.
Budan bólek, kezdesý barysynda saýda-ekonomıka, ınvestısııa, týrızm salalaryndaǵy yntymaqtastyqty nyǵaıtý perspektıvasy qarastyryldy. Buǵan qosa halyqaralyq jáne óńirlik kún tártibi, sonyń ishinde BUU men Eýropa Odaǵy aıasyndaǵy yqpaldastyq máseleleri talqylandy.