Mańǵystaý oblysyndaǵy tasjolda jantúrshigerlik jol apaty bolyp, saldarynan eki adam qaza tapty, dep habarlaıdy Egemen.kz.
Lada.kz-ke oqıǵanyń mán-jaıyn oblystyq polısııa departamentiniń baspasóz qyzmeti ókilderi aıtty.
Polıseılerdiń málimetinshe, jol apaty 24 naýryzda Munaıly aýdanyndaǵy Ońtústik tasjolynda bolǵan.
«Kia kóliginiń júrgizýshisi basyp ozý kezinde qarsy jolaqqa shyǵyp ketip, Lexus kóligimen soqtyǵysqan. Apat saldarynan Kia kóliginde bolǵan eki jolaýshy qaza tapty», dep habarlady Mańǵystaý oblysynyń polısııa ókilderi.
Jol-kólik oqıǵasy boıynsha sotaldy tergeý amaldary júrgizilip jatyr.