Qazaqstan ShUAA-da ótetin III óńiraralyq yntymaqtastyq forýmyna qatysady. Bul týraly 2024 jylǵy 26 naýryzda Premer-mınıstrdiń orynbasary Serik Jumanǵarın men Qytaı Halyq Respýblıkasy ShUAA Halyq úkimetiniń tóraǵasy Erkın Týnıazben ekijaqty keńeıtilgen kezdesý barysynda ýaǵdalasty.
Serik Jumanǵarın ShUAA delegasııasyn jyly qarsy alyp, Shyńjań Qazaqstannyń iri saýda seriktesteriniń biri ekenin atap ótti.
«Serpindi ósý úrdisi bizdiń saýda qarym-qatynasymyzdyń áleýetin tolyq ashqan joq dep sanaımyn. Biz taýar aınalymyn ártaraptandyrýǵa jáne jetkiziletin ónim nomenklatýrasyn keńeıtýge baǵyt alyp otyrmyz. Bul úshin biz Qytaı tarapynyń 2024 jylǵy 26 maýsymda Úrimjide III óńiraralyq yntymaqtastyq forýmyn ótkizý týraly usynysyn qoldaımyz. Biz sondaı-aq «Qytaı-Eýrazııa» EKSPO halyqaralyq kórmesine qatysýǵa daıyndalyp jatyrmyz, onyń aıasynda forým ótedi. Qazaqstan oǵan dástúrli túrde qatysady. Bul joly alańdy ulǵaıtyp, kóbirek kásipkerler shaqyramyz, usynylatyn ónim túrin kóbeıtemiz», dedi Qazaqstan vıse-premeri Qytaı tarapyna.
О́z kezeginde Erkın Týnııaz eki memleket basshylary arasyndaǵy kelisimderdi júzege asyrý nátıjelerine erekshe toqtalyp, bul qarym-qatynastarǵa 2023 jylǵy Qazaqstan Prezıdenti Qasym-Jomart Toqaevtyń Úrimjige sapary men ShUAA partııa komıtetiniń hatshysy Ma Sınjýıdiń Qazaqstanǵa jasaǵan sapary erekshe serpin bergenin atap ótti.
«Búginde Qazaqstanmen saýda ShUAA syrtqy taýar aınalymynyń 40%-yn quraıdy. 2023 jyldyń qorytyndysy boıynsha bizdiń taýar aınalymymyz $20 mlrd-qa jetip, 70%-dan astam ósti. 2024 jyldyń 2 aıynda – $3,6 mlrd-ty qurady, bul 2023 jyldyń sáıkes kezeńimen salystyrǵanda 89,5%-ǵa joǵary. О́tken jyldyń qorytyndysyna sáıkes, ShUAA ishki jalpy ónimniń ósimi boıynsha QHR-da 4-orynǵa, al syrtqy taýar aınalymynyń ósimi boıynsha ekinshi orynǵa ıe. Qazir biz yntymaqtastyǵymyzdyń negizgi baǵyttary boıynsha birlesip jumys isteýge daıynbyz», dep málimdedi QHR ShUAA Halyq úkimetiniń tóraǵasy.
Kezdesýde taraptar saýda, aýyl sharýashylyǵy, kólik jáne logıstıka, sý únemdeý tehnologııalary, qundy qaǵazdar, «Qorǵas» ShYHO-ny damytý, medısına salasynda birlesken kásiporyndar qurý jáne ashý, jerdi qashyqtyqtan zondtaý, bilim berý, týrızm máseleleri boıynsha ekijaqty yntymaqtastyqtyń keń aýqymdy máselelerin talqylady.