Mańǵystaý oblysyndaǵy Ybyqty-Saı shatqalyna oıyp jazý qaldyrǵan sheneýnik taǵy da qyzmetinen bosatyldy. Bul týraly Mádenıet jáne aqparat mınıstrligi málimdedi, dep habarlaıdy Egemen.kz.
Vedomstvo buǵan deıin basy daýǵa qalǵan sheneýnik Manas Kósherbaevtyń jańa qyzmetke taǵaıyndalǵany týraly aqparat BAQ-ta jarııalanǵanyn eske saldy.
«Baıqaý komıssııasynyń sheshimimen Manas Kósherbaev Baıǵana aýdandyq mádenıet úıiniń dırektory bolyp taǵaıyndalǵan. Alaıda búgin Baıǵana aýdandyq mádenıet, tilderdi damytý, dene shynyqtyrý bólimi basshysynyń buıryǵymen 2024 jylǵy 27 naýryzdaǵy jáne sport isteri boıynsha Manas Kósherbaev berilgen ótinishke sáıkes qyzmetinen bosatyldy», delingen mınıstrlik habarlamasynda.
Buǵan deıin Manas Kósherbaev Aqtóbe oblysy Baıǵanın aýdandyq mádenıet úıin basqarǵan. Onyń kandıdatýrasy konkýrstyq negizde maquldanǵan. Sheneýnik jańa jumysyn 2024 jyldyń 6 naýryzynda bastaǵan eken.
Eske sala keteıik, Manas Kósherbaev 2023 jyldyń tamyz aıynda Ybyqty-Saı shatqalynda jasaǵan vandaldyq áreketimen tanymal bolǵan edi. Ol balǵa men buraǵysh kómegimen shatqalǵa qashap jazý jazyp, keıinnen laýazymdy qyzmetinen aıyrylyp qalǵan.
Qyrmyzy JUMAǴALIQYZY,
EUÝ stýdenti