О́ńirde erigen qar sýy saldarynan bógetter men eldi mekenderdi sý basqany málim. Qyzyl sý júrgen Aıagóz, Aqsýat aýdandarynyń turǵyndary arnaıy evakýasııalaý pýnkterine ornalastyrylǵan edi. Búgin aýdan halqy úılerine oraldy. Jarma jáne Aıagóz aýdanyndaǵy sý basqan aýyldarǵa oblys ákimi Nurlan Uranhaev arnaıy bardy, dep habarlaıdy Egemen.kz Abaı oblysy ákimdiginiń baspasóz qyzmetine silteme jasap.
О́ńir basshysy Jarma jáne Aıagóz aýdandarynda sý tasqynyna qarsy júrgizilip jatqan is-sharalarmen tanysty. Qazirgi ýaqytta JAO men oblystyń TJD mamandary tarapynan erigen sýdy burýǵa barlyq sharalar qabyldandy. Qazirgi ýaqytta sý deńgeıi tómendedi.
Sonymen qatar Aıagóz qalasynda oblys ákimi apparattyq keńes ótkizip, jaýapty organdar men bólimderge birqatar tıisti tapsyrma berdi.
Eske salaıyq, 28 naýryzda Tarbaǵataı aýdanynyń Aıagóz ózeninde sý deńgeıi 365 sm-ge deıin kóterilip, Semeı qalasynan kómek kórsetý úshin oblystyq TJD kúshteri men quraldary jiberildi. Turǵyn úılerdi sý basýdyń aldyn alýǵa, sondaı-aq halyqty evakýasııalaýǵa Aıagóz qalasynyń arnaıy kúshteri men quraldary jumyldyryldy.
Keshe evakýasııalanǵan Aqsýat aýdanyndaǵy Ýań aýyly turǵyndary da úılerine oraldy. Olar Boǵas ózenindegi sý deńgeıiniń kóterilýine baılanysty qaýipsiz jerge jetkizilgen bolatyn.
Qazirgi ýaqytta aýdandardaǵy ahýal turaqty.