Eldiń qarmen jabylǵan aýmaǵy 36%-dy quraıdy. Sınoptıkalyq boljamǵa sáıkes, 30 naýryz - 5 sáýir aralyǵynda Qazaqstan aýmaǵynyń basym bóliginde aýa raıynyń turaqsyz sıpaty saqtalady, dep habarlaıdy Egemen.kz «Qazgıdromet» RMK baspasóz qyzmetine silteme jasap.
Jaýyn-shashynnyń basym bóligi jańbyr túrinde jaýady, aptanyń basynda ǵana respýblıkanyń basym bóliginde túngi saǵattarda jańbyr qarǵa aýysady. Qatty jaýyn-shashyn 30 naýryzda eldiń ońtústiginde (Túrkistan oblysy), 30-31 naýryzda ońtústik-shyǵysynda (Almaty, Jetisý oblystary), 3 sáýirde shyǵysynda (Abaı, Shyǵys Qazaqstan oblystary) kútiledi. Aptanyń ortasynda respýblıkanyń batysynda, aptanyń sońynda respýblıkanyń soltústik jartysynda jáne Abaı oblysynda jaýyn-shashynnyń toqtaıdy.
Odan bólek eldiń basym bóliginde aýa temperatýrasynyń tómendeýi boljanyp otyr: Qazaqstannyń soltústik-batysynda, soltústiginde, shyǵysynda, ortalyǵynda túnde 2-10 gradýs aıazǵa deıin, kúndiz 2 gradýs aıaz – 5 gradýs jylyǵa deıin, sodan keıin túnde 0-5 jylyǵa deıin, kúndiz 12-20 gradýs jylyǵa deıin joǵarylaıdy, eldiń ońtústik jáne ońtústik-shyǵysynda túnde 5 gradýs aıaz – 3 gradýs jylyǵa deıin, kúndiz 5-15 gradýs jylyǵa deıin tómendeıdi, sodan keıin túnde 0-8 gradýs jylyǵa deıin, kúndiz 13-23 gradýs jylyǵa deıin joǵarylaýy kútiledi.
Gıdrologııalyq jáne meteorologııalyq jaǵdaılar kúrt ózgergen jaǵdaıda «Qazgıdromet» sý tasqyny qaýpi týraly daýyldy eskertýlermen aldyn ala habardar etetinin aıta ketý kerek.