Eks-mınıstr Qýandyq Bıshimbaevqa qatysty sot otyrysy barysynda Saltanat Núkenovanyń anasy emosııasyna erik berdi, dep habarlaıdy Egemen.kz.
Bıshimbaev aıǵaq bere bastaǵanda, Núkenovanyń anasy ornynan turyp, sottalýshyǵa emosıonaldy túrde sóıledi.
«Men áıelim Saltanatty qasaqana nemese sanaly, josparly túrde jasalǵan erekshe qatigezdikpen óltirý faktisin moıyndamaımyn...», dep bastady sózin Bıshimbaev.
Osy kezde marqumnyń anasy yzalanyp, ornynan turyp daýsyn kóterip sóıledi.
Núkenovanyń anasy Bıshimbaev qyzyn segiz saǵat boıy óltirgenin aıtty.
«Sen ony segiz saǵat boıy óltirdiń. О́tkenińdi aıtyp bereıin be? Balany qalaı óltirgenińdi...», dedi sotqa qatysýshy sottalýshyǵa.
Sýdıa Aıjan Qulbaeva proseske qatysýshylardan sot zalynda tártipti saqtaýdy talap etti.
«Basqa bólmege ótińiz nemese sot zalynda tynyshtyq saqtańyz», dedi Qulbaeva.
Esterińizge sala keteıik, Qýandyq Bıshimbaev keshirim surap, aıyptaýshy taraptan keshirim kútpeıtinin málimdegen. Sondaı-aq ol kinásin moıyndamaıtynyn birneshe ret qaıtalap aıtqan.