Qarjylyq monıtorıng agenttiginiń resmı ókili Álibek Ábdilov «Talqy» baǵdarlamasynda balasynyń emine qarjy jınap, sol aqshaǵa avtokólik pen páter alǵan áıel týraly aıtty, dep habarlaıdy Egemen.kz.
Aıtýynsha, Astana qalasynyń turǵyny Instagram paraqshasy arqyly «2019 jylǵy ulymdy emdeımin» dep kópshilikten kómek surap, 4 jylda 1,7 mlrd teńge jınaǵan. Oǵan kúıeýine avtokólik jáne Astanadan 2 bólmeli páter satyp alypty.
«Bala resmı túrde múgedektik esebinde turǵan joq. 2020 jyldan bastap, oǵan 360 myń paıdalanýshy 1,7 mlrd teńge aqsha aýdarǵan. Al balanyń emine qajet aqsha - 50 mln teńge», deıdi resmı ókil.
Áıel Instagram paraqshasyn damytý úshin kúnine 150 myń teńge, jalpy osy maqsatta 333 mln teńge jumsaǵan. О́zderi resmı túrde esh jerde jumys istemegen.
«Balany emdeý úshin Máskeýge baryp, 3,3 mln teńge, Túrkııada 3,1 mln teńge jumsaǵan. Jalpy balanyń emine 6,4 mln teńge jumsaǵan. Bul jınalǵan aqshanyń 3 paıyzy ǵana», deıdi Álibek Ábdilov.