Keshe, 2 sáýir kúni Qýandyq Bıshimbaev alǵash ret sot zalynda qaıǵyly oqıǵa týraly túsinikteme berdi. Aıta keteıik, buǵan deıin ol túsinikteme berýden 5 ret bas tartqan, dep jazady Egemen.kz.
Túsinik berý barysynda Bıshimbaev Saltanat Núkenova men burynǵy áıeli Nazym Qaharmannyń arasynda birshama túsinbeýshilik bolǵanyn, oǵan da Saltanat kináli ekenin aıtqan edi.
Sot otyrysy aıaqtalǵannan keıin, kóp uzamaı bul oqıǵanyń oıdan quralǵany anyq boldy. Nazym Qaharman áleýmettik paraqshasynda Bıshimbaevtyń aıtqanyn joqqa shyǵardy.
Onyń aıtýynsha, marqum Núkenova ekeýiniń arasynda eshqandaı túsinbeýshilik, agressııalyq hat almasýlar bolmaǵan. Bul týraly tipti ol Saltanat Núkenovamen alǵashqy ári sońǵy ret hat almasqan foto-skrınin salyp, shyndyqty jaıyp saldy. Áıelderdiń sms jazbasynan olardyń óte jyly qarym-qatynasta ekenin baıqaýǵa bolady.
Nazym Qaharman marqum Saltanattyń tek ózine emes, balalarǵa da óte jaqsy qarym-qatynasta bolǵanyn. Arada bes aı ýaqyt ótse de, qyzynyń áli de Saltanattyń qaıtys bolǵanyna senbeı, oǵan hat jazyp júrgenin aıtyp, qyzynyń Saltanatqa jibergen hatyn kórsetti.
«Men qatty saǵynyp júrmin. Ákem – nashar adam. Áıeldi urý – sumdyq ári uıat! Sizdi jaqsy kóremin», delingen sms habarlamada.