Túsinýge tyrysý

Ol birde kóshede serýendep kele jatyp jol jıeginde jaralanǵan ıtke kózi túsedi. Kólik qaǵyp ketken eken. Baıǵus ıt qozǵalýǵa dármensiz qalpy qyń­sylap jatyr. Eki aıaǵy synyp ketken sııaqty. Tusynan zymyrap jatqan kólikter jaraly ıtti qaıtadan qa­ǵyp kete me dep, balanyń záresi ushady.

Ol bul joly da jaqsylyq ja­saýdyń sáti kelgenin túsinedi. Sodan kólikterdiń qozǵalysyn toqta­typ, ıtti qaýipsiz jerge súırep áke­le­di. Sóıtip aıaqkıiminiń baýy­men jarasynan aqqan qandy ta­ńyp, toqtatpaqshy bolady. As­qan uqyptylyqpen qolyn sozyp jat­qany sol edi, jaraly ıt ony qaýyp alady. Sol zamatta-aq bala­nyń qoly isinip, ata-anasy ony emhanaǵa alyp ketedi.

Bala ıttiń áreketin uzaq oılanady. «Nege ol meni tistep aldy? Men oǵan kómekteskim keldi ǵoı. Men oǵan zııan jasaǵym kelmep edi», deıdi ishki daýsy.

Balanyń bastapqy nıeti ıtti emdep, ony úıine alyp kelý edi. Ar­tynan aınymas dosyna aı­­nalǵysy keldi. Alaıda onyń ómi­rinde mundaı jaǵdaı birinshi ret boldy. Ol jaq­sylyq jasaǵysy kelgende, ony kerisinshe renjitti. Sebebin uq­pady. Bireý ózine jaman qaraıtyn adamǵa zııan jasasa – túsinikti. Al bireýge kómekteskisi kelip, aqysyna zııan shekse – ne deımiz?

Arada biraz jyl ótip, bala eseıgende bárin túsindi. Ony tistegen ıttiń ózi emes, onyń ishindegi aýrý men qorqynyshy eken. Keı ki­siler­diń kóńili jabyrqap, ózin nashar sezinip jatqanda áldebireýdiń ma­hab­baty men qamqorlyǵyna osy­laı «tis­tenip» jaýap qaıta­ratyny son­dyqtan eken ǵoı.

Adamnyń shadyman halinen bó­lek, nashar kúıin de qabyldaı bi­lý kerek. Seni kinálaǵan, urysqan, bala­ǵattaǵan jannyń barlyǵy seni jek kórgennen istemeıdi. Olar­men sen salǵylaspa, jaı ǵana tú­sinýge tyrys. Bálkim, onyń da jany jaraly shyǵar.