Tótenshe jaǵdaılar vıse-mınıstri Baýyrjan Syzdyqov Úkimet otyrysynan keıin sý tasqynynyń aldyn alý jáne zardaptaryn joıýǵa bólingen 7 mlrd teńgeniń qaıda jumsalǵanyn aıtty, dep jazady Egemen.kz.
Vıse-mınıstr sý tasqynyna qarsy 7 mıllıard teńge bólinbegenin jetkizdi.
«Shyn máninde sý tasqynyna qarsy 7 mıllıardtan asa qarjy bólinbedi. Aıtylǵan sýmma tek qarastyryldy. Osynyń ara-jigin ajyratqandaryńyzdy qalaımyn. Búgingi tańda ákimdikterdiń málimetinshe, bul qarjynyń bir bóligi, 3 mıllıard teńgeden astam sýmma bólingen. Qarjy resýrstary ózderińiz kórip otyrǵandaı sý tasqynynyń aldyn alýǵa jáne onymen kúresýge baǵyttalǵan», dedi Baýyrjan Syzdyqov.