QR Ǵylym jáne joǵary bilim mınıstrligi Ulttyq biryńǵaı testileýge qandaı ózgeris engizilgenin túsindirdi, dep habarlaıdy Egemen.kz.
Dálirek aıtqanda, erejelerge qosymsha eki tarmaq qosyldy:
Qazaq tilin V1 (orta) deńgeıinen tómen emes deńgeıde meńgergenin rastaıtyn QAZTEST sertıfıkaty bar túlekter qalaýy boıynsha beıindik pándi nemese «Qazaq tili» arnaıy pánin tapsyrýdan bosatylady. Buǵan qaramastan bilim berý granty konkýrsyna qatysa alady nemese baldardy aýdarý shkalasyna sáıkes aqyly negizde JJOKBU-ǵa qabyldanady; Nazarbaev Zııatkerlik mektepteri derbes bilim berý uıymynyń bilim berý baǵdarlamalary boıynsha oqýdy aıaqtaǵan túlekterge UBT sertıfıkattary Nazarbaev Zııatkerlik mektepteri túlekteriniń oqý nátıjelerin syrttaı baǵalaý baldaryn UBT sertıfıkatynyń baldaryna aýystyrý arqyly beriledi.Qujat 15 sáýirge deıin «Ashyq NQA» saıtyna júktelgen.