Abaı oblysyndaǵy Aıagóz aýdany Qaraǵash aýylynda traktormen birge sýǵa batyp ketken eki adamnyń oqıǵasyna qatysty Tótenshe jaǵdaılar mınıstrligi túsinikteme berdi, dep habarlaıdy Egemen.kz.
«Olar sýdan ótip ketemiz dep oılady», dedi Tótenshe jaǵdaılar vıse-mınıstri Baýyrjan Syzdyqov Úkimet otyrysynan keıingi brıfıngte.
Onyń aıtýynsha, búginde qutqarýshylar sý basqan aımaqtardaǵy adamdardy qutqarý úshin kún saıyn jumys istep jatyr. Olar jıi qıyn jaǵdaılarda, sonyń ishinde qarańǵyda elektr qýatynsyz jumys isteıdi.
Aıta keteıik, 26 naýryzda Aıagóz aýdanynda 66 jáne 38 jastaǵy eki adam «MTZ 82» markaly traktormen Borly ózeninen ótý kezinde joǵalyp ketken. Olar «Shalqar» sharýashylyǵynan Qaraǵash aýylyna qaraı jolǵa shyqqan.