Sý tasqynyna qarsy is-sharalardy úılestirý jáne sý tasqyny kezeńiniń saldaryn joıý jónindegi respýblıkalyq shtab aıasynda Aýyl sharýashylyǵy mınıstrligi arqyly kelesi jumystar júrgizilip jatyr.
Mınıstrdiń mal sharýashylyǵy jáne veterınarııa máseleleri jónindegi orynbasary mınıstrliktiń jáne onyń aýmaqtyq bólimsheleri men oblystar ákimdikteriniń is-qımyldaryn úılestirý jónindegi tikeleı tulǵa retinde bekitildi, Aýyl sharýashylyǵy mınıstrligi komıtetteriniń aýmaqtyq bólimsheleriniń basshylary oblystyq shtabtardyń quramyna engizilgen.
Sý basqan óńirlerdegi mal óliminiń aldyn alý maqsatynda maldy qaýipsiz jaıylym oryndaryna kóshirý jumystary uıymdastyryldy. Jedel derekter boıynsha shamamen 30 myń bas mal qaýipsiz jerge aıdaldy.
Sonymen qatar qaýip-qaterdiń áli de seıilmeı otyrǵanyna jáne sý tasqynynyń boljamdy ekinshi tolqynyna baılanysty jergilikti atqarýshy organdar halyqty aqparattandyrý jáne qaýipti jerlerden maldy aldyn ala aıdap áketý boıynsha jumystardy júrgizip jatyr.
О́kinishke qaraı, sý tasqynyna baılanysty mal shyǵynynan qutylý múmkin bolmaı otyr. Sondyqtan qazir ólgen mal sany eseptelip, derekter naqtylanýda.
Epıdemııalyq qaýip-qaterdi azaıtý úshin óńirlerde «Respýblıkalyq epızootııaǵa qarsy otrıad» RMM mamandary jumys istep jatyr. Aýyl sharýashylyǵy mınıstrliginiń salalyq baǵynysty uıymynyń balansynda tehnıka, dezınfeksııalaý quraldary, otyn qory, sondaı-aq ólgen mal ólekselerin joıatyn ınsıneratorlar bar. Sý tartylǵannan keıin mınıstrliktiń epızootııaǵa qarsy jasaǵy oblystar ákimdikterimen birlesip ólgen janýarlardy jınap, joıýǵa kirisedi.
Aýyl sharýashylyǵy mınıstrligi qyzmetkerleri ózderiniń tikeleı mindetterin oryndaýmen qatar, sý tasqynyna qarsy kúres jáne olardyń zardaptaryn joıý jumystaryna jumyldyrylǵan.
Sý tasqyny saldarynan TJ rejimi kezinde mal ólgen jaǵdaıda ótemaqy jergilikti bıýdjetterden, sondaı-aq basqa da qarjy kózderinen tólenetin bolady.
Sý basqan oryndardan aıdalǵan mal basyna azyq jetispegen jaǵdaıda, «Azyq-túlik korporasııasy» ulttyq kompanııasy» AQ fermerlerdiń ótinimderi boıynsha tólemderdi keıinge qaldyrý shartymen malǵa azyq jetkizýdi uıymdastyrýǵa múmkindigi bar. Ol úshin oblystyq shtabqa tómendegi nómirler arqyly habarlasý qajet: