Bıyl óńirdiń shekarasyn keńeıtý josparlanǵanyn Mańǵystaý oblysy jer qatynastary basqarmasynyń basshysy Nurjan Qarjaýbaı apparattyq keńes barysynda aıtty, dep habarlaıdy Egemen.kz.
Atalǵan oblystyń shekarasy resmı túrde 2024 jyldyń qańtarynda keńeıtildi, engizilgen aýmaqtyń jalpy kólemi 722 myń gektarǵa jýyq. Atalǵan ýchaske elimizdiń sý qory jerleri sanatyna jatady jáne Qazaqstan shekarasynda ózgerister týdyrmaıdy.
«Bıyl aımaq shekarasyn keńeıtý jumystaryn jalǵastyrý josparlanǵan. Qazaqstannyń Kaspıı teńizindegi aýmaqtyq sýlarynyń (teńiziniń) eni men syrtqy shekarasyn jáne Mańǵystaý oblysy shekarasyn esepteý úshin osy jyly oblys aýmaǵyna jalpy kólemi 1 mıllıon 638 myń gektar jer ýchaskesin qosý jóninde tıisti sharalar qabyldaý tapsyryldy, ol bastapqy jeliler arasynda 12 teńiz mılin quraıdy», dedi Nurjan Qarjaýbaı.