Búgin, 2024 jyldyń 3 sáýirinde, Astana qalasynda áıelin asa qatigezdikpen óltirdi dep aıyptalyp jatqan Bıshimbaev isi boıynsha kezekti sot otyrysy ótip jatyr, dep jazady Egemen.kz.
Búgingi sot otyrysynda Qýandyq Bıshimbaev 8-9 qarashada oryn alǵan oqıǵa týraly aıtyp jatyr. Túsinikteme barysynda aıyptalýshy oqıǵanyń qalaı órbigenin túsindirý úshin fotosýret qoldanýdy surady. Al jábirlenýshi tarap sottan tek tergeý aıasyndaǵy materıaldardy qoldanýdy suraǵan.
Kúdikti men advokattary kórsetiletin fotosýretter «Bau» restoranynda, qaıǵyly oqıǵany tergeý barysynda túsirilgenin alǵa tartty. Dese de, olar sot otyrysyna qatysýshylardyń kóz aldyna 2024 jyldyń naýryz aıynda túsirilgen fotosýretterdi usynyp, sot pen sot otyrysyna qatysýshylardy shatastyrýdy kózdegendeı áreket tanytty.
Sáıkesinshe sýdıa Aıjan Qulbaeva qorǵaýshylarǵa eskertý jasady.