Aqtóbe oblysyndaǵy Maǵadjan sý qoımasy bógetiniń buzylýynan atalǵan bógetti jaǵalaı ornalasqan eldi mekenderdi sý basý qaýpi bolǵandyqtan Alǵa aýdanyna qarasty Besqospa aýyly turǵyndary qaýipsiz jerge kóshirilip jatyr, dep habarlaıdy Egemen.kz oblys ákimdigine silteme jasap.
Qazirgi ýaqytta aýyl turǵyndary Ulttyq ulanǵa qarasty Mı-171E tikushaǵyna otyrǵyzylyp, Besqospa aýylynan Bestamaqqa jetkizilip jatyr. Azamattar Bestamaq aýylynyń mádenıet úıine avtobýspen aparyldy. Saǵat 13:30-daǵy aqparatqa sáıkek, avtobýs 6 ret reıs jasaǵan (200 eresek, onyń ishinde 80-i bala).
Habarlamada: «Evakýasııa kezinde barsha turǵyndardan qutqarýshylar, jergilikti atqarýshy organdar tarapynan aıtylatyn habarlandyrý, eskertýlerge qulaq asyp, qajetti qujattaryńyzdy alyp, úılerińizdi bosatýlaryńyzdy suraımyz», delingen.