Bul týraly Atyraý oblysy ákiminiń orynbasary Jasulan Bısembıev málim etti, dep habarlaıdy Egemen.kz.
Ákim orynbasarynyń aıtýynsha, osy kezge deıin Jylyoı aýdanynyń 12 myń turǵyny úsh baǵyt boıynsha – Mańǵystaý oblysyna, Atyraý qalasyna jáne Teńiz ken ornyndaǵy vahtalyq kentine kóshirildi. «Sý tasqynyna baılanysty turǵyndardy evakýasııalaý búgin de jalǵasady. Atyraý qalasynda evakýasııalanǵan turǵyndardy qabyldaý úshin 5 myń bos oryn bar. Teńiz ken ornynda evakýasııalanatyn turǵyndar úshin bos oryndar qory shamamen 10 myńdy quraıdy», dedi Bısembıev.