Oljas Bektenov pen vıse-premerler sý tasqyny jaǵdaıy aýyr óńirlerde jumys istep jatyr, dep habarlaıdy Egemen.kz Úkimettiń baspasóz qyzmetine silteme jasap.
Úkimettiń baspasóz qyzmetiniń habarlaýynsha, Memleket basshysy Qasym-Jomart Toqaevtyń tapsyrmasy boıynsha sý tasqyny jaǵdaıyn turaqtandyrý úshin Premer-mınıstr men vıse-premerler sý tasqynyna baılanysty asa kúrdeli ahýal qalyptasyp otyrǵan óńirlerde jumys istep jatyr.
Premer-mınıstr, Sý tasqynyna qarsy is-sharalardy úılestirý jáne sý tasqyny kezeńiniń saldaryn joıý jónindegi respýblıkalyq shtabtyń jetekshisi Oljas Bektenov qazir – Qostanaı oblysynda.
Premer-mınıstrdiń birinshi orynbasary Roman Sklıar Soltústik Qazaqstan oblysyna attandy.
Premer-mınıstrdiń orynbasarlary Serik Jumanǵarın Aqtóbe oblysyna, Nurlan Baıbazarov Batys Qazaqstan oblysyna jiberildi.
Sáýirdiń 5-nen 6-na qaraǵan túni Premer-mınıstrdiń orynbasary Qanat Bozymbaev Atyraý oblysyna ushyp bardy.
Buǵan deıin Oljas Bektenov Aqtóbe oblysyndaǵy sý tasqynynyń saldaryn joıý jónindegi jumystardy, sondaı-aq Shyǵys Qazaqstan oblysynyń sý tasqynyna daıyndyǵyn teksergen bolatyn.