Memleket basshysynyń tapsyrmasy boıynsha Premer-mınıstr, Sý tasqynyna qarsy is-sharalardy úılestirý jáne sý tasqyny kezeńiniń saldaryn joıý jónindegi respýblıkalyq shtabtyń jetekshisi Oljas Bektenov Atyraý oblysyndaǵy ahýaldy baqylady. Ol aýmaqty tikushaqpen aralap, ózen jaǵalaýlaryn nyǵaıtý jumystarynyń barysyn qarady, dep habarlaıdy Egemen.kz Úkimettiń baspasóz qyzmetine silteme jasap.
Oljas Bektenov Qulsary qalasy turǵyndarymen sóılesip, olardyń qabyldanyp jatqan sharalardy kúsheıtý boıynsha suraqtaryna jaýap berdi.
Sondaı-aq Jaıyq, Jem ózenderi jaǵdaıymen tanysty. Jylyoı, Qyzylqoǵa aýdandarynda jergilikti aýqymdaǵy tabıǵı sıpattaǵy TJ rejımi saqtalyp otyr. Búginde Qyzylqoǵa aýdanyndaǵy Mııaly, Aqqora, Jangeldın, Jasqaırat, Kózdiqara aýyldarynda qaýip-qaterdiń beti qaıtty.
Aqtóbe oblysy Oıyl aýdany jaǵynan Jem ózeni deńgeıiniń kóterilýine baılanysty Jylyoı aýdany Qulsary qalasyn sý basqan. 28 551 adam evakýasııalandy.
О́ńirde keletin sý kólemin azaıtý úshin Jem ózeniniń saǵasy úsh jaǵynan qazyldy, sondaı-aq Jem ózeni boıynda ornalasqan jasandy bógetter buzyldy. Bul ózen arnasynyń baǵytyn ózgertýge jáne sýdyń kedergisiz aǵýyn qamtamasyz etýge, onyń Kaspıı teńizine qaraı ótkizý qabiletin ulǵaıtýǵa jáne sý tasqyny qaýpin azaıtýǵa múmkindik beredi.
О́z kezeginde turǵyndar men volonterler turǵyn úı sektoryn sý basýyna jol bermeý boıynsha jumystar júrgizip jatyr.