Qazaqstan halqy Assambleıasy volonterleri tasqyn sýdan zardap shekken óńirlerge gýmanıtarlyq kómek joldady. Etno-mádenı ortalyqtary atynan Qaraǵandy men Aqmola oblysyna jol tartqan úsh kólikke 10 myń tonna júk tıelgen. Ishinde azyq-túlik pen kıim, jeke tazalyq buıymdary men tósek-jamylǵylary bar.
Dostyq úıiniń ǵımaratynda sý tasqynynan zardap shekken óńirlerge gýmanıtarlyq kómek kórsetý boıynsha Qazaqstan halqy Assambleıasynyń respýblıkalyq jáne óńirlik shtabtarynyń birlesken onlaın otyrysy ótti. Jıynǵa QHA Tóraǵasynyń orynbasary – Prezıdent Ákimshiliginiń QHA Hatshylyǵynyń meńgerýshisi Marat Ázilhanov, Parlament Senatynyń depýtattary, etnomádenı birlestikterdiń tóraǵalary men músheleri, «Assambleıa jastary» uıymynyń ókilderi qatysty. Kún tártibinde óńirlik shtabtarynyń jumysyn úılestirý máseleleri qaraldy.
– Qaıyrymdylyq is-sharasy Qazaqstan halqy Assambleıasynyń «Júrekten –júrekke» arnaıy jobasy aıasynda uıymdastyryldy. Dál osyndaı júk kólikteri basqa óńirlerde de jasaqtalyp jatyr. О́ńirlerdegi shtab, qajet jerlerdi anyqtap, bir izben jiberetin bolady. Al biz bul jumystardy sol eldi mekenderdi qalpyna keltirgenge deıin júrgizemiz. Qarǵyn sýǵa qarsy barlyq is-sharalarda jáne qalpyna keltirý jumystary aıaqtalǵansha múmkindiginshe balabaqshalar men úılerdi retteýge kómektesemiz, – dedi Marat Ázilhanov.
Elde tótenshe jaǵdaı jarııalaǵaly beri QHA tasqyn sýdan zardap shekken turǵyndarǵa 30 mln teńge qarjy jınady. Uıymdastyrýshylar jaqsylyq jasaýǵa asyqqan jandardy óńirlerdegi 34 Dostyq úıinde qabyldaıtynyn aıtty.