2024 jylǵy 8 sáýirden bastap sý tasqyny qaýpiniń joǵary bolýyna baılanysty Qazaqstannyń Ulttyq gıdrometeorologııalyq qyzmetiniń gıdrologııalyq jáne ilespe departamentteri táýlik boıy jumys rejımine aýystyryldy, dep habarlaıdy Egemen.kz QR Ekologııa jáne tabıǵı resýrstar mınıstrligine silteme jasap.
«Qazgıdromettiń» barlyq jerdegi baqylaý jelisindegi baqylaýshylar, sınoptıkter men gıdrologtar 24/7 keste boıynsha turaqty negizde jumys istedi, endi olarǵa kásiporynnyń basshylyǵy, boljamdy jáne aqparattyq qyzmetteri qosyldy.
«Qazaqstannyń barlyq oblystarynda ornalasqan barlyq 15 fılıaldan kelip túsetin aqparatty óńdeý jáne taldaý qazir táýlik boıy júrgizilip jatyr. Qazir Atyraý, Aqtóbe, Qostanaı, Batys Qazaqstan, Soltústik Qazaqstan, Aqmola, Shyǵys Qazaqstan, Abaı oblystarynda sý tasqyny qaýpi áli de saqtalyp otyr. Sý obektilerin baqylaý jyldam rejımge aýystyryldy, naqty derekter únemi óńdeledi. Barlyq daıyn aqparat memlekettik jáne jergilikti organdarǵa táýlik boıy kelip túsedi», delingen habarlamada.