SQO-da 219 eldi meken sý astynda qalýy múmkin

Qanat Dúzelbaevtyń aıtýynsha, oblystaǵy kúrdeli jaǵdaıdy turaqtandyrý maqsatynda keshe, 8 sáýir kúni Qorǵanys mınıstrliginen qosymsha 313 áskerı qyzmetshi jumyldyryldy. «Sergeev sý qoımasynyń syıymdylyǵy 182%-ǵa jetti. Esil ózeniniń jaǵalaýynda keptelis joq. Sý qoımasyna aqqan sý 425 santımetrdi qurady. Sondyqtan 3 aýdan men Petropavl qalasyn sý basý qaýipi tónip tur», dedi ákim orynbasary.

Onyń aıtýynsha, jaǵdaı baqylaýǵa alyndy. Biraq 220-ǵa jýyq eldi meken sý astynda qalýy múmkin.

«Qar jamylǵysy 30%-ǵa deıin jetedi. Áli de 219 eldi mekendi sý basý qaýipi joǵary. Qazirdiń ózinde 40 úıdiń 13-in sý basyp qalǵan. 286 adam evakýasııalanyp, 44 adam úılerine qaıtaryldy. Taǵy 111 úıdiń mańyn sý basty», dep túsindirdi Qanat Dúzelbaev.  Aıta keteıik, búgin, 9 sáýirde Taıynsha aýdanynda ótemaqy tóleýge ótinishter qabyldana bastady.