«Aqtóbe» saýda ortalyǵynda áskerı komıssarıat qyzmetkerleri áskerge shaqyrylǵandarǵa reıd uıymdastyrdy. Jelide áskerıler aqtóbelik azamatty kúshtep áskerge almaq bolǵan vıdeo qyzý talqylanyp jatyr, dep habarlaıdy Egemen.kz.
Beınejazbada eki er adam jas jigitti ustap, esikke qaraı súıregen. Jas jigitke qalanyń turǵyndary kómekke kelgen.
«Búgin eki er adam bir jigitti áskerge kúshtep áketpek bolǵan. Bul qanshalyqty zańdy? Jas jigitke sol jerde júrgen adamdar kómektesti», dep jazdy vıdeo avtory.
Oblystyq qorǵanys isteri departamenti qyzmettik tekseris júrgizilip jatqanyn habarlady.
«Osy jaǵdaıǵa baılanysty Aqtóbe oblysynyń qorǵanys isteri jónindegi departamenti qyzmettik tekserý júrgizip jatyr. Tekserý nátıjeleri qosymsha habarlanady», dep jaýap berdi departament ókilderi.