О́skemen qalasynda zeınetker 7 jasar nemeresin óltirdi degen kúdikpen ustaldy, dep habarlaıdy Egemen.kz.
Beıresmı málimetke súıensek, er adam nemeresine birneshe ret pyshaq suqqan. Aýyr jaralanǵan 7 jasar bala sol jerde kóz jumǵan.
Shyǵys Qazaqstan oblystyq Polısııa departamenti bul aqparatty rastap, kúdiktiniń ustalǵanyn jetkizdi.
«Kámeletke tolmaǵan balany óltirý deregi boıynsha qylmystyq is qozǵaldy. Kúdikti ýaqytsha ustaý ızolıatoryna qamaýǵa alynǵan. Aıǵaqty zattar alynyp, qajetti saraptamalar taǵaıyndaldy. Barlyq mán-jaı anyqtalyp jatyr», dep jazdy Kazinform departamenttiń baspasóz hatshysy Tatıana Karpovanyń sózin.
Onyń aıtýynsha, ózge aqparat QR QPK-niń 201-babyna sáıkes jarııa etilýge jatpaıdy.