Shyǵys Qazaqstan oblysy Altaı aýdanynyń Solovevo aýylynda túngi ýaqytta sý deńgeıi kóterilip, 24 úı aýmaǵyn sý basý qaýpi tóngen edi. ShQO TJD málimetinshe qazirgi ýaqytta sý deńgeıi birshama tómendedi, dep habarlaıdy Egemen.kz.
Oblystyq TJD baspasóz qyzmeti málim etkendeı, oqıǵa ornyna oblys ákimi Ermek Kósherbaev jedel kelip, jaǵalaýdy bógeý jáne erigen qar sýyn burý jumystarymen aınalysyp jatqan mamandarmen jáne turǵyndarmen kezdesken. Turǵyndar evakýasııalaýdan bas tartyp, týystarynyń úıineýaqytsha ornalasqan.
Habarlamada: «Eki kún qatarynan tolassyz jaýǵan jańbyr sebebinen kóterilgen sý deńgeıi qazirgi kezde 10-15 sm-ge tómendedi. Oqıǵa ornynda jergilikti atqarýshy organ, TJ mamandary kezekshilik uıymdastyryp, polısııa beketi jumys istep tur», delingen.