Aqtóbe oblysynyń Oıyl aýdanynda jerasty gaz sısternasy jarylyp, janarmaı quıý beketi men jaqyn jerdegi ǵımarat órtenip ketti, dep habarlaıdy Egemen.kz.
11 sáýir saǵat 20:20 shamasynda gaz quıý stansııasynan 50 metr jerde jer asty gaz sısternasy jarylǵan.
- Oqıǵa ornynda oblystyq tótenshe jaǵdaılar departamenti men Oıyl aýdandyq polısııasynyń qyzmetkerleri jumys istep jatyr. О́rt sóndirilip jatyr. Zardap shekkender joq. Qosymsha tótenshe jaǵdaılar qyzmetiniń qyzmetkerleri keldi. О́nerkásiptik qaýipsizdik departamenti oqıǵanyń sebepterin anyqtaý úshin tekserý júrgizedi, - delingen habarlamada.