Ǵylym kez kelgen elde keleshektiń kilti sanalady. «Ǵylymy joq eldiń bolashaǵy bulyńǵyr» degen Ál-Farabıdiń qanatty sózi bar. Bul birneshe ǵasyr buryn aıtylyp ketse de ózektiligi joıylǵan emes.
Ǵylym qyzmetkerleriniń kúni Tuńǵysh Prezıdenttiń jarlyǵymen 2011 jyly bekitilip, 2012 jyldan bastap atalyp keledi.
Kúntizbedegi bul data kezdeısoq tańdalmaǵany belgili. 12 sáýir – Ǵylym akademııasynyń tuńǵysh Prezıdenti, kórnekti ǵalym-geolog Qanysh Sátbaevtyń dúnıege kelgen kúni.
Qazaqstanda ǵylym salasynyń qalyptasýyna 1946 jyly QR Ulttyq ǵylym akademııasy qurylýy negiz boldy.
1996 jyly 11 naýryzda Qazaqstan Respýblıkasynyń Prezıdenti N.Á. Nazarbaevtyń Jarlyǵymen QR Ulttyq ǵylym akademııasy, Qazaq aýylsharýashylyq ǵylymdarynyń akademııasy jáne QR Ǵylym jáne tehnologııalar mınıstrligi QR Úkimetiniń quramyndaǵy ortalyq atqarýshy organ – Qazaqstan Respýblıkasynyń Ǵylym Mınıstrligi – Ǵylym akademııasyna biriktirildi.
Al 2003 jyly Ǵylym akademııasyna «Qazaqstan Respýblıkasynyń Ulttyq ǵylym akademııasy» Respýblıkalyq qoǵamdyq birlestik mártebesi berildi.