QR Parlamenti Senatynyń Áleýmettik-mádenı damý jáne ǵylym komıtetiniń tóraǵasy Nurtóre Júsip óńirdegi merzimdi basylymdar respýblıkalyq forýmynyń ekinshi otyrysyna qatysty, dep habarlaıdy Egemen.kz Parlament Senatynyń baspasóz qyzmetine silteme jasap.
Nurtóre Júsip óz sózinde gazetter men jýrnaldardyń róli týraly aıta kelip, qazirgi qoǵam úshin sapaly jáne ýaqtyly aqparat basty qundylyqtyń biri ekenin atap ótti. Onyń ázirlenýi men taralýy buqaralyq aqparat quraldarynyń mindeti bolyp tabylady. Merzimdi baspasóz – olardyń ishindegi eń kónesiniń biri.
«Qoǵam ómirinde gazet-jýrnaldyń róli orasan zor. Jýrnaldar, gazetter, ǵylymı-kópshilik jáne kórkem ádebıet - ǵylym men mádenıettiń barlyq jetistikterin saqtaý jáne urpaqtan-urpaqqa jetkizýdiń negizgi quraly. Jýrnaldar men gazetter barlyq jastaǵy adamdarǵa bilimniń qaınar kózi retinde qyzmet etedi, ómirdi bilýge jáne baǵalaýǵa, qoǵamdyq qatynastar men tabıǵat qubylysynyń zańdylyqtaryn túsinýge kómektesedi. Adamnyń áleýmettik jáne adamgershilik murattaryn qalyptastyrý, onyń qoǵamdyq minez-qulyq ǵadetterin úırenýde baspasózdiń róli erekshe», dedi Nurtóre Júsip.
Sharaǵa qatysýshylar jýrnalıstıka, redaksııalyq is salasynda sapaly kadrlar daıarlaý máselelerin talqylady, sondaı-aq basylymdyq BAQ-ty damytý týraly usynystar aıtyldy. Senator sonymen qatar Parlament Senatynyń qyzmeti týraly, atap aıtqanda, aqparat jáne baspasóz salasynda júzege asyp jatqan sharalar men qabyldanyp jatqan zańdar týraly aıtyp berdi.