Densaýlyq saqtaý mınıstrliginiń Kýrortologııa jáne medısınalyq ońaltý ǴZI qatysýymen kómek sheńberinde zardap shekkenderdi tegin qabyldaıtyn 16 sanatorıılik-kýrorttyq uıym aıqyndaldy, dep habarlaıdy Egemen.kz.
Mınıstrliktiń málim etýinshe olardyń 12-si Túrkistan oblysynda ornalasqan. Jalpy alǵanda, atalǵan nysandar bir mezette 190 adamdy qabyldaı alady, ońaltý kýrsy 10-nan 14 kúnge deıin bolady, bul zardap shekkenderdi múmkindiginshe sanatorıılik emdeýmen qamtýǵa múmkindik beredi.
Atalǵan mınıstrlikke qarasty Kýrortologııa jáne medısınalyq ońaltý ǴZI sanatorıılerde dereý ornalastyrylýǵa tıis adamdardyń tizimin usyný qajettigi týraly jergilikti atqarýshy organdardy qulaǵdar etti.
Sý tasqynynan zardap shekkenderdiń barlyǵyna, onyń ishinde balalarǵa qajetti medısınalyq kómek jáne psıhologııalyq ońaltý kórsetiledi.