Atyraý oblysynda Toyota jeńil kóligi KamAZ-dyń tirkemesine soǵyldy. Jol apatynan jeńil kóliktiń júrgizýshisi men 2 jolaýshysy qaza tapty, dep habarlaıdy Egemen.kz.
Atyraý oblystyq polısııa departamentiniń baspasóz qyzmetinen málim etkendeı, jol-kólik oqıǵasy 13 sáýirde bolǵan.
«Saǵat 17:10 shamasynda Atyraýdan Reseı Federasııasynyń Astrahan oblysy baǵytyna qatynaıtyn joldyń 821-shaqyrymy tusynda jol apaty tirkeldi. Jeńil kóliktiń rýlinde 1994 jylǵy júrgizýshi bolǵan. Jol-kólik oqıǵasynyń saldarynan jeńil kóliktegi júrgizýshi men 2 jolaýshy oqıǵa ornynda mert boldy», dep habarlady departamenttiń baspasóz qyzmeti.