Soltústik Qazaqstan oblysynda taǵy bir aýyldyń turǵyndary evakýasııalandy, dep habarlaıdy Egemen.kz QR Tótenshe jaǵdaılar mınıstrligine silteme jasap.
«Qazirgi ýaqytta Qyzyljar aýdanynyń Bolshaıa malyshka aýylynda qutqarýshylar 894 jergilikti turǵyndy evakýasııalady, onyń 112-si balalar, evakýasııalanǵandar ýaqytsha evakýasııalaý pýnktteri men Penkovo aýylyndaǵy týystarynyń qasynda», dep habarlady Tótenshe jaǵdaılar mınıstrligi.
Oblystyq Tótenshe jaǵdaılar departamentiniń málimetinshe, oblysta 1713 úı men oǵan jaqyn ornalasqan 1115 aýmaq sý astynda qalyp otyr. Petropavlda Hromzavod jáne Podgora shaǵyn aýdandarynda 1050 úıdi sý basqan. 4552 adam evakýasııalandy, onyń ishinde 957 bala bar.
О́ńirdegi sý tasqyny jaǵdaıy áli de kúrdeli bolyp otyr. Tótenshe jaǵdaılar departamentiniń málimeti boıynsha, Sergeev sý qoımasy 153 paıyzǵa tolyp, bóget tóbesinen asyp ketý 2 metr 83 santımetrdi qurasa, tómendeý táýligine 20 santımetrdi qurap otyr.