Túrkistan oblysynda qyzǵaldaqty julyp, sýretke túsken 22 jastaǵy qyz jaýapqa tartylady, dep habarlaıdy Egemen.kz.
Polısııa qyzmetkerleri «greıg» qyzǵaldaqtaryn julǵan ordabasylyq turǵyndy áleýmettik jeliler arqyly anyqtady. Ol Uıalyjar aýyldyq okrýgindegi alqapta Qyzyl kitapqa engen gúlderdi julyp, beınejazba túsirip, jelidegi paraqshasyna júktegen.
Atalǵan jaǵdaı sırek kezdesetin jáne joıylyp ketý qaýpi tóngen ósimdik túrlerimen zańsyz aınalysý faktisi boıynsha polısııa bóliminde tirkeldi. Qazir barlyq jaǵdaı anyqtalyp jatyr.
«Túrkistan oblysynyń polısııasy «Greıg» qyzǵaldaqtaryn tamashalaýǵa kelgen turǵyndar men qonaqtarǵa qyzyl kitapqa engen ósimdikterdi julǵany úshin zańda jaýapkershilik qarastyrylǵanyn eske salady», - delingen Túrkistan oblysy Polısııa departamentiniń baspasóz qyzmeti habarlamasynda.