Zań oryndalýymen mańyzdy

Bul másele qoǵamda qyzý talqylanyp, osy baǵyttaǵy zańnama­lar­dy jetildirý qajettigi aıqyn­dal­dy. Sarapshylar, qoǵam bel­sen­dileriniń pikiri eskerilgen zańnyń basty mindeti balalar qaýipsizdigin qamtamasyz etý máse­leleri boıynsha memle­ket­tik saıasattyń quqyqtyq, ekono­mı­kalyq, áleýmettik jáne uıym­das­ty­rýshylyq negizderin jetil­dirý, áıelder men balalarǵa qatysty qylmystyń aldyn alý jáne jolyn kesý degen ortaq múddede toǵysty.

Memleket basshysynyń usta­nymy aıqyn – zańnyń ústemdigin belgileý jáne zań normalary saqtalatyn ádiletti qoǵam qurý. Prezıdent usynǵan zań jáne tártip qaǵıdaty barlyq másele quqyqtyq salada sheshilýi kerek degendi bildiredi.

Qujattyń maqsaty – Memleket basshysynyń áıel men balaǵa qatysty zorlyq-zombylyqtyń kez kelgen kórinisi úshin jaýap­ker­shilikti qatańdatý, otbasy ıns­tıtýtyn nyǵaıtý jáne kámeletke tolmaǵandardyń qaýip­siz­digin qamtamasyz etý. Onyń ishinde bala quqyqtary jónindegi ýákildiń qyzmetin odan ári jetildirý jónindegi tapsyrmalaryn iske asyrýǵa baǵyttalǵan.

Zań shyǵarýshy organ qoǵamnyń suranysyna sáıkes jaza túrlerin anyqtady. Qatań jaza – qylmystyń aldyn alýdyń jáne qoǵamdy qaýipti qylmyskerlerden qorǵaýdyń tıimdi ádisi. Qujatta, eń aldymen, qylmystyń aldyn alýǵa jáne azamattardyń quqyqtarynyń ádildigi men qorǵalýyn qamtamasyz etýge baǵyttalǵan sharalar kesheni kózdelgen. Sonymen qatar engizilgen túzetýler balalardyń quqyqtyq sanasyn qalyptastyrýǵa arnalǵan. Kámeletke tolmaǵandardy qorqytý jáne kıberbýllıng úshin ákimshilik jaýapkershilik engizildi. Kámeletke tolmaǵandar arasynda býllıng jıi kezdesedi. Osyǵan baılanysty bilim berý uıymynda uzaq ýaqyt boıy býllıngke qarsy turýdyń zańdy tetikteri bolǵan joq. Olar tek profılaktıkalyq sóılesýmen, mektepte esepke alýmen shektelýge májbúr boldy.

Qujatqa áıelder men bala­larǵa qatysty kez kelgen sıpat­taǵy zorlyq-zombylyq úshin jaýapkershilikti qatańdatatyn, sondaı-aq otbasy ınstıtýtyn, kámeletke tolmaǵandardyń qaýip­siz­digin nyǵaıtatyn normalar engizildi.

Endigi jerde atalǵan zań óz deńgeıinde oryndalady dep senemiz. Sebebi zań oryndalýymen mańyzdy.

Rýslan RÚSTEMOV,

Senat depýtaty