Qyrǵyzstanda áıelder kúresinen Azııa chempıonaty óz máresine jetti. Qazaqstan quramasy jarysty tórt júldemen qorytyndylady. Árıne, bul kóńil kónshiterlik kórsetkish emes. Eń ókinishtisi, bozkilemge shyqqan burymdylarymyzdyń birde-biri aqtyq synǵa jete almady.
Alǵashqy jarys kúni bes balýanymyz bozkilemge shyqty. О́kinishke qaraı, Irına Jánibekova (50 kg), Zúlfııa Iаhıarova (55 kg),
Álbına Qaıyrgeldınova (68 kg) jeńis tuǵyryna kóterile almady. Al Dıana Kaıýmova (59 kg) men Elmıra Syzdyqova (76 kg) qola medaldy moınyna ildi. Sheshýshi tusta Dıana úndistandyq Pýshpa Vadavty utsa, Elmıra Úndistannyń jas juldyzy, jasóspirimder men jastar arasyndaǵy álem chempıony Prııa Prııadan basym tústi. Negizi biz Rıo Olımpıadasynda qola medaldy keýdesinde jarqyratqan Syzdyqovadan budan da jaqsy nátıje kútken edik. Keminde fınalǵa shyǵady dep úmittendik. Biraq jartylaı fınalda onyń joly álem chempıonatynyń eki dúrkin júldegeri, Azııa oıyndarynyń jeńimpazy, qurlyq chempıony, qyrǵyzstandyq Aıperi Medetqyzymen qıysty. О́te shıelenisti ótken syralǵy qarsylastar saıysynda Aıperiniń asyǵy alshysynan tústi.
Kelesi kúni Aıajan Marqasheva (53 kg) men Tynys Dýbek (62 kg) tusaýkeser kezdesýlerinde dármensizdik tanytyp, birden kórermender qataryna qosyldy. Qalǵan úsh qyzymyz jartylaı fınalǵa shyqqanymen, barlyǵy sol mejede súrindi. Atap aıtsaq, Laýra Almaǵambetova (57 kg) álemniń úsh dúrkin chempıony japonııalyq Sýgýmı Sakýraıdan jeńildi. Irına Kazıýlına (65 kg) mońǵolııalyq Enhjın Tývshınjargalǵa jol berse, Anastasııa Panasovıch úndistandyq Hýrshıta Hýrshıtaǵa ese jiberdi.
Qola júlde úshin básekede Laýra Almaǵambetovanyń asqan sheberligine tánti boldyq. Básekeni óte qarqyndy bastaǵan ol jergilikti sportshy Sezim Jumanazarovany eki mınýtqa jetkizbeı qos jaýrynymen jerge qadady. Anastasııa ózbekstandyq Ozoda Zarıpboevadan aılasyn asyrdy. Al Irına qytaılyq Iаrı Výǵa esh qarsylyq kórsete almady.
Sóıtip, tórt qolany qorjynǵa salǵan jerlesterimiz jalpykomandalyq esepte 7-shi orynǵa taban tiredi. Aldymyzda – Japonııa (4+2+2), Qytaı (3+2+3), Qyrǵyzstan (2+0+2), Soltústik Koreıa (1+1+2), Úndistan (0+3+3) jáne Mońǵolııa (0+2+4) quramalary.