Shymkent qalasynda qyzmet kórsetken «A» esimdi jeke notarıýs jábirlenýshilerdiń senimine kirip, olardyń osal jaǵdaıyn óz paıdasyna qoldanyp, nesıe nemese kepil shartyn jasaýdyń ornyna satyp alý-satý shartyn kýálandyrǵany belgili boldy, dep habarlaıdy Egemen.kz.
Qalalyq prokýratýra alaıaqtyqpen aınalysqan jeke notarıýs pen sybaılastarynyń jymysqy áreketin áshkereledi.
Olar úshinshi tulǵalarǵa menshik quqyǵyn bekitip, Shymkent qalasynyń ádilet organdaryna tirkeý týraly kelisimdi zańsyz jibergen.
Aıyptalýshylar zańsyz áreketteri arqyly 9 jábirlenýshige 47 mıllıon teńge kóleminde shyǵyn keltirgen.
Sot alaıaqtyq faktisi boıynsha notarıýsty 4 jylǵa sottady. Al onyń sybaılastary 3 jylǵa jáne 3 jyl 9 aıǵa shartty túrde bas bostandyǵynan aıyryldy.