Jalǵyz altyn Erjettiń enshisinde

Jarystyń alǵashqy kúni Er­jet Jarylqasyn qazaq jan­kúıer­lerin qýantty. 63 kg sal­maq dárejesinde saıysqa tús­ken 23 jastaǵy jambyldyq ba­lýan osydan eki jyl buryn Bish­kek­te uıymdastyrylǵan jastar­dyń Azııa birinshiliginde qola me­daldy moınyna ilgen edi. Qan­dasymyzdyń odan basqa aýyz tol­tyryp aıtarlyqtaı tabysy joq. Esesine osy joly Erjet er­ledi. Alataýdyń bókterinde qa­zaq jigiti Jarylqasyn Dokýng Iýng (Ońtústik Koreıa), Raıan Hav­savı (Saýd Arabııasy), Chan Kım (Soltústik Koreıa) jáne Aıata Sý­zýkıge (Japonııa) san soq­ty­ryp, sary qurlyqtyń teńdessizi dep tanyldy.

Bastapqy básekelerde Lı Seýngvan (Ońtústik Koreıa) men Rahımjon Ozo­kovtyń (О́zbekstan) aıaǵyn kókten kel­tirgen Nursultan Tursynovtyń sheshýshi tusta Iran­nyń myqtysy Nasser Álı­zadege áli jetpedi. Osy­laısha, ol 87 kg salmaqta synǵa túsken sa­ıypqyrandar arasynda kúmis medaldy qanaǵat tutty. Bul – Tursynovtyń Azııa chempıonatynda besinshi ret jeńis tuǵyryna kóterilýi. Esterińizge sala keteıik, 2014 jyly Nur­sultan bas júldeni oljalasa, 2015 pen 2023 jyldary kúmispen kúpteldi. Al 2022 jyly qolaǵa qol sozdy.

Byltyr Astanada uıymdas­tyrylǵan Azııa chempıonatyn­da elimizdiń «klas­sıkteri» ara­synan jalǵyz Ibragım Mago­madov qana altyn tuǵyrǵa kóte­rilgen edi. Ol kezde otandasy­myz 72 kg salmaqta óner kórsetti. Bıyl ol olım­pıadalyq salmaq­qa aýysty. Ibra­gımniń Bishkek­tegi óneri óte jaqsy áser qal­dyrdy. Jartylaı fınalda 34 jastaǵy saqa sportshynyń joly Tokıo Olımpıadasynyń kúmis júldegeri, álemniń eki jáne Azııanyń úsh dúrkin chempıony, Azııa oıyndarynyń jeńimpazy Aqjol Mahmudovpen qıys­ty. Ekeýi ábden tiresti. Biraz ýaqyt boıy Magomadov 3:1 esebimen alda kele jatty. Biraq ataǵy alysqa ja­ıyl­ǵan qyrǵyz balýanynyń yǵyna jyǵylǵan tóreshi básekeniń aıaqtalýyna nebári 20 sekýnd qalǵanda Ibragımdi tórttaǵanǵa qoıdy. Sol mezette Aqjol tarazy basyn teńseltip ketti. Odan keıin Qaraǵandy kúres mekte­biniń túlegi qola medal úshin tar­tysta ırandyq Ámir Álı Ábdı­den aılasyn asyryp, jeńis tuǵy­ryna kóterildi. Al Nurzat Qab­dy­ra­qymov (55 kg), Evgenıı Po­lıvadov (82 kg) jáne Mansur Sha­dýkaev (130 kg) úshin atalǵan ja­rys sátsiz aıaqtaldy. Bul ba­lýan­dardyń boıynan jeńiske degen jiger men qulshynysty baıqaı alma­dyq.

Jarystyń sońǵy kúni jerles­terimizdiń arasynan Iýsýf Ma­sıevtiń ǵana fınalǵa shy­ǵýǵa kúsh-jigeri jetti. 97 kg sal­maq dárejesinde kúresken Qos­ta­naıdyń kókjaly Amangeldi Aǵa­má­medov (Túrikmenstan), Bek­sultan Mah­mudov (Qyrǵyzstan) jáne Hoýjı Haony (Qytaı) jolynan yǵystyryp, fı­nalda Olımpııa oıyndarynyń kú­mis júl­degeri, álem jáne Azııa chempıo­ny Mohammadhadı Saravımen (Iran) arpalysty. Bul báseke Parsy peh­leva­nynyń paıdasyna sheshildi. Ǵalym Qabdýnasarov (60 kg), Almatbek Amanbek (63 kg) jáne Ádilhan Sataev (72 kg) úshin­shi oryn úshin talasty. Úsheýi de sheshýshi tusta ońbaı sú­rindi. Ǵa­lym álem men Azııa birin­shi­liginiń qola júldegeri Saog Lıgo (Qytaı), Al­matbek byltyr Azııa oıyndary men qurlyq chem­pıonatynda úzdik úshtiktiń qatarynan kóringen Chýng Han Chjen (Ońtústik Koreıa) jáne Ádilhan Djı Lengtiń (Qytaı) aldynda dármensizdik tanytty.

Júldelerdiń sany men sapasy ja­ǵynan jalpykomandalyq esepte Iran quramasy (4+3+2) kósh bastady. Ekinshi orynda – Japonııa (3+2+1). Úshin­shi jáne tórtinshi satylarǵa Qyrǵyzstan (1+2+3) men Qazaqstan (1+2+1) jaı­ǵasty. Sondaı-aq júlde alǵandar qatarynda Soltústik Koreıa (1+0+1), Ońtústik Koreıa (0+1+2), Qy­­taı (0+0+5), О́zbekstan (0+0+4) jáne Irak­tyń (0+0+1) sportshylary bar.

Endi sary qurlyqtyń eń úzdik ba­lýandary 19–21 sáýir araly­ǵynda dál sol Bishkekte ótetin lısen­zııalyq týrnırde kúsh synasady. Parıjde alaýy tuta­natyn Olım­pııa oıyndarynyń júlde­leri sarapqa salynatyn jarysta Qazaq eli namysyn myna balýandar qorǵaıdy:

Grek-rım kúresi: Aıdos Sul­tanǵalı (60 kg), Meıirjan Sher­mahanbet (67 kg), Demeý Jadyraev (77 kg), Oljas Syr­lybaı (97 kg) jáne Álimhan Syzdyqov (130 kg).

Erkin kúres: Erasyl Muh­tar­uly (57 kg), Maıys Álıev (65 kg), Nurqoja Qaıpanov (74 kg), Áli­sher Erǵalı (97 kg) jáne Iýsýp Ba­tyrmurzaev (125 kg).

Áıelder kúresi: Laýra Ǵanı­qyzy (50 kg), Juldyz Eshimova (53 kg), Emma Tısına (57 kg), Irı­na Kýznesova (62 kg), Elena Sha­lygına (68 kg) jáne Jámıla Baqbergenova (76 kg).