Polısııa qyzmetkerleri Qazaqstan azamattaryna ózderin tártip saqshysymyn dep tanystyrǵan adamdarmen sóıleskende «ıá» nemese «joq» degen sózderdi qoldanbaýdy usyndy, dep habarlaıdy Egemen.kz.
Polıseılerdiń aıtýynsha, alaıaqtardyń qıturqy is-áreketteri kún sanap beleń alyp barady.
«Qurmetti azamattar, eger alaıaqtar sizge telefon soǵyp, ózderin basqarmanyń qyzmetkeri retinde tanystyrsa, «ıá» nemese «joq» degen sóz tirkesterin aıtpańyz, óıtkeni bul sózder bıometrııa úshin paıdalanylýy múmkin.
Esińizde bolsyn: eger naqty departament qyzmetkerleri sizben baılanysqa shyqsa, olar resmı shaqyrý qaǵazyn jiberedi nemese kýálik berý úshin sizdi jaqyn jerdegi polısııa bólimshesine shaqyrady», delingen polısııa habarlamasynda.
Buǵan deıin ózderin polısııa qyzmetkeri retinde tanystyrǵan alaıaqtardyń sýretin jarııalaǵan edik. Tártip saqshylary eshqashan WhatsApp arqyly, ásirese sheteldik abonenttik nómirlerden qońyraý shalmaıdy.