Shýchınskte polıseıler jeke úıdiń aýlasynan kishkentaı balanyń máıitin tapty, dep jazady Egemen.kz.
Tártip saqshylary jaǵdaıdyń anyq-qanyǵy tergeý múddesi úshin jarııalanbaıtynyn aıtty. Dese de jantúrshigerlik oqıǵanyń negizgi sıýjeti azdy-kópti ashyldy.
Birneshe jyl buryn jas kelinshek otbasyna densaýlyq jaǵdaıy erekshe bes bala asyrap alǵan. Osy jyldyń 16 sáýirinde sol balalardyń biri aýyr soqqy saldarynan jansaqtaý bólimine túsedi. Tártip saqshylary bul faktige qyzyǵýshylyq tanytyp, teksere bastaıdy. Kóp uzamaı oqıǵa taǵy bir jantúrshigerlik qylmystyń betin ashady.
Anyq bolǵandaı, birneshe kún buryn oblystyq kópsalaly balalar aýrýhanasyna túsken balanyń týý týraly kýáligi basqa balaǵa tıisti bolyp shyǵady. Basynda medısına qyzmetkerleri anasy asyǵyp júrip basqa perzentiniń qujatyn alyp kelgen dep oılaıdy. Keıinnen aýrýhanaǵa ákelingen qujat qaıtys bolǵan 5 jastaǵy balaǵa tıesili bolyp shyǵady.