6-11 maýsym aralyǵynda Tashkentte ótetin Azııa chempıonatynda Qazaq eli namysyn qorǵaıtyn kórkem gımnastshylardyń esimi belgili boldy. Ulttyq quramanyń bas bapkeri Álııa Iýsýpovanyń tańdaýy Eljana Tánıeva men Aıbota Ertaıqyzyna tústi.
– О́zbekstanda jalaýy jelbireıtin jarysta Olımpııa oıyndarynyń joldamalary sarapqa salynatyny belgili. Sol sebepti de biz irikteý synyna eń úzdik gımnastshylardy aparýǵa tıispiz. Sońǵy týrnırlerdi qorytyndylaıtyn bolsaq, Ispanııadaǵy Gran-prıde Eljana Tánıeva «dop» jattyǵýynda dara shyqty. Kópsaıysta jeńis tuǵyryna kóterilý úshin oǵan sanaýly ǵana upaı jetpedi. Tánıeva – qazir komandamyzdyń kóshbasshysy. Sol sebepti onyń lısenzııalyq týrnırge qatysatyny anyq. Osydan biraz kún buryn Grekııada dástúrli «Afrodıta kýbogi» ótip, jerlesterimiz alty júldege qol jetkizdi. Osy jarys qarsańynda men óz shákirtterime «Afınada kim óte jaqsy óner kórsetse, Tashkentke sol barady» dep aldyn ala eskerttim. Bul básekede Aıbota Ertaıqyzynyń baǵy jandy. Sondyqtan da atalǵan dodaǵa Aıbotanyń qatysýy zańdy, – deıdi Á.Iýsýpova.
Esterińizge sala keteıik, sońǵy Azııa chempıonaty byltyr Fılıppınniń astanasy Manılada uıymdastyryldy. Sol jarysta Qazaqstan quramasy 14 júldege (3 altyn+4 kúmis+7 qola) qol jetkizip, jalpy esepte úshinshi oryndy ıelendi. Aldymyzda – О́zbekstan (8+7+1) men Qytaı (4+0+2). Sondaı-aq júlde alǵandardyń arasynda Japonııa (0+1+6), Qyrǵyzstan (0+0+1), Ońtústik Koreıa (0+0+1) jáne Fılıppın (0+0+1) quramalary bar.
Qazaqstannyń gımnastshylary arasynda jekelegen saıysta Aıym Meıirjanova («dop») ǵana altynnan alqa taqsa, toptyq jarysta jerlesterimiz bas júldeniń ekeýin oljalady. Al kópsaıystyń qorytyndysy boıynsha Eljan Tánıeva kúmis medaldi moınynda jarqyratsa, Aıbota Ertaıqyzy besinshi orynǵa taban tiredi. Jarystyń bas júldesin ózbekstandyq Tahmına Ikromova oljalasa, qytaılyq Van Zılý qolaǵa qol sozdy.