Fýtboldan Qazaqstan Premer-lıgasynyń besinshi týryndaǵy eń tartysty ári qyzyqty oıyn Almatydaǵy Ortalyq stadıonda jergilikti «Qaırat» pen «Aqtóbe» arasynda ótti. Bul báseke 1:3 esebimen qonaqtardyń paıdasyna sheshildi.
О́zge matchtar mynadaı nátıjelermen aıaqtaldy: «Qaısar» – «Atyraý» – 1:1, «Jeńis» – «Turan» – 1:0, «Ordabasy» – «Qyzyljar» – 1:1, «Astana» – «Tobyl» 2:2 jáne «Jetisý» – «Shahter» – 1:0. El chempıonatynyń altynshy týr oıyndary 27 men 28 sáýir kúnderi ótedi.
Sanaýly kúnderden keıin Qytaıdyń Shanhaı qalasynda sadaq atýdan Álem kýboginiń kezeńdik saıysy bastalady. Qazaqstan quramasynyń bas bapkeri Artem Kıchkın atalǵan jarysta myna mergenderge senim artyp otyr: Ilfat Abdýllın, Dáýletkeldi Jańbyrbaı, Álıhan Mustafın, Aleksandr Eremenko (klassıkalyq sadaq atý, erler), Alına Ilııasova, Gaýhar Igibaeva, Dıana Tursynbek, Alýa Muhtarhanova (klassıkalyq sadaq atý, áıelder), Sergeı Hrıstıch, Aqbaráli Qarabaev, Andreı Tıýtıýn, Býned Myrzametov (bloktyq sadaq atý, erler), Ádel Jeksenbınova, Vıktorııa Lıan, Elmıra Raısova jáne Aıjan Seıdahmetova (bloktyq sadaq atý, áıelder). Tennısshilerdiń álemdik reıtıngi jańartyldy. Jerlesterimizdiń arasynda eń úzdik nátıje áli de Elena Rybakınaǵa tıesili. Ol WTA reıtınginde tórtinshi orynda tur. Rybakına tek polshalyq Iga Shventek, belarýstik Arına Sobolenko jáne amerıkalyq Korı Gaýfftan qalyp keledi. Elimizdiń ekinshi raketkasy Iýlııa Pýtınseva 50-oryndy enshilese, Jibek Qulambaev 492-satyǵa jaıǵasty. Erler arasynda serbııalyq Novak Djokovıch, ıtalııalyq Iаnnık Sınner jáne ıspanııalyq Karlos Alkaras alda keledi. Qazaqstannyń oıynshylary arasynda eń úzdik kórsetkish Aleksandr Býblıkke tıesili. Ol 18-satyǵa turaqtady. О́zge otandastarymyzdyń kórsetkishteri mynadaı: Aleksandr Shevchenko – 59, Mıhaıl Kýkýshkın – 129, Beıbit Juqaev – 182, Denıs Evseev – 184, Dmıtrıı Popko – 234 jáne Tımofeı Skatov – 271. Bishkekte jalaýy jelbiregen Dúıshenqul Shopokovtyń memorıalynda Qazaqstannyń eki boksshysy aqtyq synǵa deıin alqynbaı jetip, ekeýi de altyn tuǵyrǵa kóterildi. 86 kg salmaqtaǵy Aman Qazanqapov sheshýshi tusta Azııa chempıonatynyń úsh dúrkin qola júldegeri, qyrǵyzstandyq Erkin Ádilbekulyn súrindirse, 75 kg salmaqtaǵy rıng qojaıyny Danıel Ábdirahmanov bizdiń Baqbergen Álıasqarovpen jekpe-jekke shyǵýdan bas tartty. Shveısarııada «Romandııa týry» bastaldy. 28 sáýirge deıin sozylatyn jarysta «Astananyń» namysyn Alekseı Lýsenko, Harold Tehada, Igor Chjan, Santıago Ýmba, Henok Mýlıýbyrhan, Danııl Marýhın jáne Anton Kýzmın syndy veloshabandozdar qorǵap jatyr. 25-28 sáýir aralyǵynda Novosibirde shaıbaly hokkeıden «Bolashaq kýbogi» dep atalatyn halyqaralyq týrnırdiń jalaýy jelbireıdi. Bul jarysta Qazaqstan, Reseı jáne Belarýstiń jastar qurama komandalary ózara sheberlik baıqasady. Kúni keshe ǵana Shtýtgartaǵy týrnırde asqan sheberlik tanytyp, bas júldeni oljalaǵan Elena Rybakına birden Ispanııaǵa attandy. Bul jerde taǵy bir dúbirli dodanyń shymyldyǵy túrildi. Júlde qory 7 877 020 dollardy quraıtyn jarystyń tusaýkeser kezdesýinde Qazaqstannyń eń úzdik tennısshisi WTA reıtınginde 37-orynda turǵan qytaılyq Iýan Femen kúsh synasady. Dál osy Madrıdtegi týrnırde Aleksandr Býblık pen Aleksandr Shevchenko da sheberlik baıqasady.