Jańaózende jańa zaýyt salynady

О́tken jyly óńir basshysy Nurlan Noǵaev, «Samuryq-Qazyna» UÁQ» AQ tóraǵasy Nurlan Jaqypov, «QazMunaıGaz» UK» AQ tóraǵasy Maǵzum Myrzaǵalıevtiń qoldaýymen satyp alýdy júzege asyrý tártibine tolyqtyrýlar engizilgen bolatyn. Tolyqtyrýǵa sáıkes, «О́MG» AQ Jańaózen qalasy aýmaǵynda óndiris ornyn ashyp, jergilikti turǵyndardy turaqty jumyspen qamtýdy óz min­detine alǵan ınvestormen bir kózden uzaq merzimge kelisimshart jasaýǵa tıis.

Osyǵan oraı, «QazMunaıGaz» basqar­ma­synyń sheshimimen ınves­tordy irikteý reglamenti bekitilip, onyń negizinde «О́zenmunaıgaz» AQ, «QazMunaıGaz» UK» AQ, Mańǵystaý oblysy ákimdigi, «Atame­ken» óńirlik kásipkerler palatasy ókil­de­ri­­nen quralǵan jumys toby quryldy. Al­­dyn ala jarııalanǵan habarlandyrýǵa sáı­­kes, ın­vestorlardan kelip túsken ótinim­­der­­di tıisti jumys toby qarap, nátı­jesin­de, Jańa­ózen qalasynyń aýmaǵynda jańa óndi­ris oshaǵyn salatyn ınvestor anyqtaldy.

Atalǵan zaýytta 16 túrli taýar óndi­rilmek. Qajetti taýarlardyń tizbesi «О́MG» AQ-nyń 2025-2028 jyldarǵa arnap bekitilgen bıznes-jos­pary negizinde jasaqtaldy. Aldaǵy ýaqytta boı kóteretin zaýyttyń qurylysy men qyzmet etý kezeńinde jańaózendikter úshin 250-den astam jańa jumys orny ashylady dep josparlanyp otyr.

«Jańa óndiris oryndarynyń ashylýy kompanııamyzdyń ımportqa táýel­dilikten arylýyna, qalanyń damýy­na, óńir ekonomı­kasynyń órkendeýine, jergilikti jáne res­pýblıkalyq bıýdjetke túsetin salyq túsim­deriniń ulǵaıýyna yqpal etpek. Jańaózen munaıly qaladan óndiristik qalaǵa aınalatyn sát te keldi. Biz munda jergilikti jastarǵa jumys usynatyn ınvestorlardy tartý isin jalǵastyra beremiz. Otandyq kásipkerlerdi Jańaózenge ınvestısııa quıýǵa shaqyramyz», dedi «О́zenmunaıgaz» AQ bas dırektory Nurdáýlet Qılybaı.

Jańa zaýyt Jańaózen qalasynda jańa jumys oryndaryn ashýǵa jáne munaı salasyna qajetti jabdyqtardy baǵasyn aspan­datyp alystan tasymaldaýdy azaıtýǵa múmkindik beredi.

Mańǵystaý oblysy