Aqparattar aǵyny

*«QazAgro» 2014 jyly sharýalardyń qaryzdaryn 25,8 mlrd. teńgege sýbsı­dııa­­lady. Kompanııanyń málime­tin­she, «Qazagromarketıng» qury­lymyna sýbsıdııalaýǵa baılanys­ty agrarlyq naryq­tyń qatysýshy­la­rynan 9 402 kredıttik/lızıngttik keli­sim­sharttar boıynsha ótinishter kelip túsken. *Byltyr elimizde dek­ret­tegi áıelderge 4 mlrd. teńgeden astam zeınetaqy jarnalary tólendi. Densaýlyq saq­taý jáne áleýmettik damý mınıstr­liginiń baspasóz qyzmeti atap kór­setkendeı, bul qarjy res­pýblıkalyq bıýdjetten qa­ralǵan. Eske sala keteıik, 2014 jyldyń 1 qańtarynan bas­tap balasy 1 jasqa tolǵanǵa deıin dekrettik demalysqa shyq­qan áıelderdiń zeınetaqy jınaq­taryn mindetti sýbsıdııa­laý engizilgen. Onyń ortasha mólsheri 4 021 teńgeni qurady. *Astanada 2014 jyly 11 myńǵa jýyq jas jup shańyraq kóterdi. Qalalyq ádilet departamenti AHAJ bóliminiń habarlaýynsha, qazirgi tańda jas otbasylardyń arasynda nekege otyrýǵa elektron­dy túrde ótinish berý jaǵdaı­lary artyp otyrǵan kórinedi. *Qyzylorda óńirinde 3-6 jas aralyǵyndaǵy ba­la­lardyń 90%-y mektepke deıingi tárbıemen qamtylǵan. Oblys ákimdiginiń baspasóz qyzmeti keltirgen derekke qaraǵanda, ótken jyly aımaqta 80-nen astam mektepke deıingi oqytý mekemesi ashylǵan. Sonyń ishinde 60-tan astamy balabaqsha bolsa, qalǵandary shaǵyn ortalyqtar. *Batys Qazaqstanda «Bız­nestiń jol kartasy-2020» baǵdarlamasyna sáıkes 400-ge jýyq joba maquldanǵan. Oblystyq kásipkerlik jáne ındýstrııalyq-ınnovasııalyq damý basqarmasynan túsken málimette kórsetilgendeı, bu­lar­dyń arasynda aýyldyq jer­lerde 15,2 mlrd. teńgeni quraı­tyn 129 joba qoldaý tap­qan. So­­nyń nátıjesinde 3 myń­nan as­tam jańa jumys orny ashyl­ǵan. *Mańǵystaý oblysynyń Shebir aýylynda mádenıet úıi paıdalanýǵa berildi. Ǵımaratty salýǵa oblystyq bıýdjetten 138 mln. teńge bólingen. Zaman talabyna saı jabdyqtalǵan klýbtyń májilis zalyna bir mezette aýyldyń 200 turǵyny syıady. Onyń ashylý rásimine qatysqan aımaq basshysynyń orynbasary Baný Nurǵazıevanyń aıtýynsha, búginde óńirde 117 mádenıet oshaǵy qyzmet kórsetip otyr. Byltyr mádenıet salasyn damytýǵa oblystyq qazynadan 2,4 mlrd. teńge qaralypty. *Atyraýda 280 oryndyq balabaqsha ashyldy. Oblystyq ishki saıasat basqarmasy mekemeniń qurylysyna respýblıkalyq bıýdjetten 405ln. teńge jumsalǵanyn málimdedi. Aıta keteıik, sońǵy derekterge kóz júgirtsek,  aımaqta  2014 jyly jalpy 3 180 orynǵa eseptelgen 17 balabaqsha el ıgiligine usynylǵan. Habarlar Úkimet, oblystyq ákimdikter saıttary men «QazAqparat» agenttiginiń derekteri boıynsha daıyndaldy.