Ádilhan Shaıhıslamov Shymkent qalalyq sotynyń tóraǵasy bolyp taǵaıyndaldy, dep habarlaıdy Egemen.kz Joǵarǵy Sottyń baspasóz qyzmetine silteme jasap.
Joǵarǵy Sottyń ákimshilik ister jónindegi sot alqasynyń tóraǵasy Aslan Túkıev Shymkent qalalyq sotynyń sýdıalaryna jańadan taǵaıyndalǵan tóraǵa Ádilhan Shaıhıslamovty tanystyrdy.
Kezdesýge Shymkent qalasynyń ákimi Ǵabıt Syzdyqbekov, qalanyń quqyq qorǵaý jáne memlekettik organdarynyń basshylary, sýdıalar men advokattar qatysty.
О́z sózinde A.Túkıev Ádilhan Shaıhıslamulynyń 20 jyl sýdıalyq tájirıbesi baryn, sot júıesiniń damýyna qosqan úlesin, joǵary biliktiligin, erekshe adaldyǵy men qajyrly eńbegin atap ótti.
Joǵarǵy Sot alqasynyń tóraǵasy Ádilhan Shaıhıslamovtyń óńirlik sottardyń sot tóreligin sapaly júzege asyrýyn qamtamasyz etý, azamattar men kásipkerlerdiń quqyqtaryn jáne zańdy múddelerin qorǵaý boıynsha ózine júktelgen jaýapty mindetterdi oryndaýǵa bar kúsh-jigerin salatynyna senim bildirdi.
Ádilhan Shaıhıslamov 1964 jyly Qyzylorda oblysynda dúnıege kelgen.
1996 jyly ál-Farabı atyndaǵy Qazaq memlekettik ulttyq ýnıversıtetin bitirgen.
1996-2002 jj. – konsýltant, Qyzylorda qalasy Ádilet basqarmasy bólim bastyǵynyń orynbasary, Bank konsýltanty, AQ zańgeri;
2004-2016 jj. – Astana qalasy Saryarqa aýdandyq sotynyń sýdıasy, Saryarqa aýdanynyń №2 aýdandyq sotynyń sýdıasy;
2016-2021 jj. – Astana qalasynyń qylmystyq ister jónindegi mamandandyrylǵan aýdanaralyq sotynyń tóraǵasy;
2021 jyldan qazirgi ýaqytqa deıin – Astana qalalyq sotynyń qylmystyq ister jónindegi sot alqasynyń tóraǵasy.