Qazaqstan Respýblıkasynyń Prezıdenti N.Á.Nazarbaev pravoslavıelik hrıstıandar men barsha qazaqstandyqtardy Rojdestvo merekesimen quttyqtady, dep habarlady Prezıdenttiń baspasóz qyzmeti.
Qymbatty otandastar! Pravoslavıe hrıstıandaryn jáne kúlli qazaqstandyqtardy jarqyn da izgi mereke – Rojdestvo meıramymen quttyqtaımyn! Eki myń jyl boıy Rojdestvo merekesi dindarlardyń júregine qýanysh pen úmit uıalatyp, qaıyrymdylyq pen ádildikke, meıirimdilik pen keshirimdilikke senýdiń nyshany bolyp keledi. Bul – izgi nıetter men qaıyrymdy isterdiń, kómekke muqtaj adamdarǵa qamqorlyqtyń ýaqyty.
Osylaı deı kelip, Elbasy bizdiń zamanymyzda pravoslavıelikter qaýymy ózderiniń ǵıbadat etý dástúrin jalǵastyryp kele jatqanyn atap kórsetedi. Ol adamdardyń dinı senimine, rýhanııat qaınarynan sýsyndaýyna kómektesip, moraldyq ustanymdary men dástúrli otbasylyq qundylyqtaryn nyǵaıtýda, deıdi Prezıdent óziniń quttyqtaýynda. Pravoslavıe hrıstıandary elimizdegi konfessııaaralyq kelisimdi, qoǵamdyq turaqtylyq pen tatýlyqty saqtaýǵa súbeli úles qosyp keledi.
Elbasy quttyqtaýynyń sońynda qazaqstandyqtardyń dinı nanymdary men etnostyq shyǵý tekterine qaramastan, qýanyshtaryn bir-birimen bólisetinine toqtalyp ótedi. Osy jarqyn merekede barsha dindarlarǵa densaýlyq, rýhanı kúsh, ıgi bastamalaryna sáttilik tileıdi. Shańyraqtaryńyzdan shattyq, tatýlyq pen molshylyq ketpesin, dep aıaqtaıdy Qazaqstan Respýblıkasynyń Prezıdenti óziniń quttyqtaýyn.