Memleket basshysy Qasym-Jomart Toqaev Qazaqstan halqy Assambleıasynyń «Birlik. Jasampazdyq. О́rleý» atty HHHIII sessııasyn ótkizdi, dep jazady Egemen.kz Aqorda baspasóz qyzmetine silteme jasap.
Prezıdenttiń tóraǵalyǵymen Qazaqstan halqy Assambleıasynyń HHHIII sessııasy ótti. Jıynǵa Parlament Senatyna QHA qatarynan saılanǵan depýtattar, respýblıkalyq etnomádenı birlestikterdiń jetekshileri men músheleri, Assambleıanyń eriktileri, sondaı-aq beınebaılanys arqyly Uıymnyń óńirlerdegi delegattary qatysty.
Qasym-Jomart Toqaev, eń aldymen, elimizdiń birneshe aımaǵyndaǵy tabıǵat apaty saldaryn eńserý úshin júrgizilip jatqan aýqymdy jumystarǵa toqtalyp, sý tasqyny bastalǵannan beri Qazaqstan halqy Assambleıasy da ortaq isten shet qalmaı, belsendi ári úılesimdi jumys istep jatqanyn atap ótti. Munyń bári ózara janashyr jáne tileýles bolýdyń aıqyn kórinisi ekenin aıtty.
Prezıdent túrli syn-qaterge qaramastan, elimiz strategııalyq maqsat-mindetterinen aınymaıtynyna nazar aýdardy. Onyń aıtýynsha, az ýaqyt ishinde júrgizilgen saıası reformalar nátıjesinde bıliktiń barlyq tarmaǵy adamnyń zańdy múddesin, quqyǵy men erkindigin qorǵaýǵa jáne ony ilgeriletýge negizdelgen jańa júıe boıynsha jumys isteı bastady. Endigi mindet – ádildik, ınklıýzıvtilik, pragmatızm qaǵıdalaryna negizdelgen jáne halyqtyń ál-aýqatyn arttyrýdy kózdeıtin jańa ekonomıka úlgisine kóshý.
Bul oraıda Qasym-Jomart Toqaev Assambleıanyń búgingi sessııasy «Birlik. Jasampazdyq. О́rleý» dep atalǵanyn, barsha halqymyzdyń strategııalyq baǵdarynyń túpki mánin osy úsh uǵym dál ári naqty bildiretinin, birlik pen yntymaq basty qundylyǵymyz jáne memlekettik saıasattyń buljymas baǵdary bolyp qala beretinin aıtty.
Prezıdent osy maqsatqa jetý úshin oryndalýǵa tıis birneshe ózekti mindetke arnaıy toqtaldy.
Qasym-Jomart Toqaev, eń aldymen, Assambleıa jumysyn elimizdiń jańa gýmanıtarlyq ıdeologııalyq doktrınasymen úılestirý qajet dep sanaıdy.
Sonymen qatar Prezıdent búginde jahandyq kataklızm beleń alyp, túrli memleketter arasynda áskerı-saıası, saýda-ekonomıkalyq teketires, tipti mádenı-gýmanıtarlyq tartys kúsheıip bara jatqanyna toqtaldy. Memleket basshysy qoǵamda ultyna qaraı erekshelenýge, oqshaýlanýǵa umtylǵan kez kelgen áreketke, ásirese, azamattardy tiline, ultyna, dinine nemese mádenıetine bola arandatýǵa, ıa bolmasa kemsitýge múlde jol bermeıtin orta qalyptastyrý mańyzdy ekenin aıtty.
Prezıdent Assambleıanyń ınstıtýsıonaldyq áleýetin nyǵaıtý máselesine arnaıy toqtalyp, Uıymnyń memlekettik organdarmen, Parlamentpen jáne máslıhattarmen qarym-qatynasyn jaqsarta túsý kerek ekenin atap ótti. Bul rette Qasym-Jomart Toqaev Assambleıa jetekshilerine memlekettik sheshim qabyldaý úderisine jáne reformalardy ilgeriletý isine belsene qatysý, etno-áleýmettik shıelenis oshaqtaryn anyqtaý jáne ondaı oqıǵalardyń aldyn alýǵa basa mán berý, Assambleıany áleýmettik tutastyq pen otanshyldyqty dáripteıtin ınstıtýt retinde nyǵaıtý mindetterin júktedi.
Memleket basshysy sózin qorytyndylaı kele, elimiz sońǵy jyldary asa kúrdeli synaqtardyń taǵy bir tarıhı kezeńin bastan ótkerip jatqanyn aıtyp, birlik pen yntymaqtyń arqasynda bul qıyndyqtyń bárin jeńetinimizge, shynyǵyp, shırap, burynǵydan da myqty bolyp shyǵatynymyzǵa senim bildirdi.
«Tarıh toǵystyrǵan taǵdyrymyz – bir, senimmen qadam basatyn keleshegimiz – bir. Biz birtutas ult retinde árdaıym babalar amanatyna adal bolamyz. Qasıetti qara shańyraǵymyz – Qazaqstannyń jarqyn bolashaǵyn birge jasaımyz. Bizdiń maqsatymyz – aıqyn, bul – Ádiletti Qazaqstandy qurý. Men Qazaqstan Respýblıkasynyń Táýelsizdigin qorǵaýdy Prezıdent retindegi eń basty mindetim dep sanaımyn», dedi Qasym-Jomart Toqaev.
Saltanatty jıynda Respýblıkalyq tájik etnomádenı ortalyǵynyń tóraǵasy Akbarjon Ismaılov, QHA Tóraǵasynyń orynbasary, Qazaqstan koreıleri qaýymdastyǵynyń prezıdenti Iýrıı Shın, «Assambleıa jastary» respýblıkalyq qoǵamdyq uıymynyń tóraǵasy Tımýr Jumyrbaev, Qaraǵandy oblysyndaǵy «Assambleıa jastary» uıymy ókildiginiń tóraǵasy Aleksandr Ýrmashov, Jetisý oblysyndaǵy Dostyq úıiniń dırektory Rýfına Ýsanova sóz sóıledi.
Sonymen qatar Qazaqstan Respýblıkasy Prezıdentiniń Jarlyǵymen halyqtar arasynda beıbitshilikti, dostyq pen yntymaqtastyqty nyǵaıtýǵa, memlekettik tildi damytýǵa sińirgen eńbegi úshin birqatar azamatqa memlekettik nagradalar tabystaldy.
Atap aıtqanda, II dárejeli «Dostyq» ordenimen Astana qalasy Qaıyrbekov atyndaǵy №2 mektep muǵalimi Elızaveta Shnaıder, «El birligi» ordenimen «Qazaqstan ýkraındarynyń radasy» birlestiginiń tóraǵasy Iýrıı Tımoshenko, memleket jáne qoǵam qaıratkeri Mýrat Ahmadıev, «Dýstlık» Qazaqstan ózbekteriniń etnomádenı qaýymdastyǵy tóraǵasynyń orynbasary Hasan Sharıpov, «Eren eńbegi úshin» medalimen Stepnogorsk balalar men jasóspirimder sport mektebiniń oqytýshysy Nıkolaı Dýrachenko, Atyraý qalalyq №3 mektep-gımnazııasynyń muǵalimi Tatıana Lıýbına, «Shapaǵat» medalimen О́skemen metallýrgııa kesheni Myrysh zaýytynyń kúıdirýshisi Sergeı Panasıýk, Ulytaý oblysy Qojamqulov atyndaǵy qazaq mýzykalyq-drama teatrynyń akkompanıatory Arkadıı Pobedınskıı, Qazaqstan Respýblıkasy Ulttyq ulanynyń bólimshe komandıri Kırıll Ponomarenko, Aqmola oblysy Araıly aýyly orta mektebiniń muǵalimi Anastasııa Irýbaeva marapattaldy.
Buǵan qosa, Qazaqstan halqy Assambleıasy Shyǵys Qazaqstan oblysy ǵylymı-eksperttik tobynyń tóraǵasy Nellı Krasnobaevaǵa, Qaraǵandy oblysyndaǵy «Assambleıa jastary» ókildiginiń tóraǵasy Aleksandr Ýrmashovqa, Jetisý oblysy «Qoǵamdyq kelisim» mekemesiniń basshysy Rýfına Ýsanovaǵa Qazaqstan Respýblıkasy Prezıdentiniń Alǵysy jarııalandy.